Медицина қызметкерлері, фермерлер, мәдениет және спорт қайраткерлері «Әділдік және Өркендеу» Қоғамдық Қорын қолдайды
«Әділдік және Өркендеу» Қоғамдық Қорының жақтастарының қатары көбейіп келеді. Жақында біздің қозғалысқа «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Жамбыл облыстық филиалы қосылды.
Филиал Қордың өңірлік өкілдігімен ынтымақтастық туралы Меморандумға қол қойды.
— Біздің қызметкерлердің еңбегінің арқасында еліміздің тарихи мұрасы көздің қарашығындай сақталып келеді. Арамызда халықаралық спорт аренасында еліміздің имиджін асқақтату жолында еңбек етіп жақтан жандар да бар, — деп атап өтті филиал директоры Дүйсенәлі Бықыбаев.
Оның айтуынша, барлық қызметкерлерді қуатты әрі әділетті қоғам құруға деген ортақ мақсат біріктіреді. Ол қоғам әрбір азаматқа адал еңбегімен табыс тауып, ұрпақ өсіріп, болашаққа алаңсыз қарауына мүмкіндік береді.
Ынтымақтастық туралы Меморандум “AQNIET” Қазақстандық салалық денсаулық сақтау қызметкерлері кәсіподағының облыстық филиалы да қабылдады.
“AQNIET” филиалының төрағасы Бахыт Козбаков медицина қызметкерлері заң алдында барлығының теңдігі қағидатын қолдайтынын атап өтті. Кез келген азаматтың міндеттері мен құқықтары әлеуметтік дәрежесі мен материалдық жағдайына қарамастан заң алдында бірдей сақталуы керек.
“Әділдік және Өркендеу” ҚҚ өңірлік өкілдігі медицина қызметкерлерімен бірлесіп еңбек адамына лайықты құрмет көрсетуді, жұмыскердің қабілеті мен ортақ іске қосқан үлесіне сай еңбекақы төлеуді, жұмысқа қолайлы жағдай жасауды, жұмыс орынында қауіпсіздікке кепілдік беруді қолдап, бірлескен іс- шаралар тұрақты негізінде өткізілетін болады.
Тараптар денсаулық сақтау саласының, әлеуметтік медициналық сақтандыру жүйесінің проблемаларын бірлесіп көтеруге ниетті.
Жамбыл облысындағы «Әділдік және Өркендеу» Қоғамдық Қорының өңірлік өкілдігі мен Жамбыл облысы бойынша ауыл шаруашылығы қызметкерлерінің салалық кәсіптік одағы ынтымақтастық туралы Меморандумға қол қойды.
Ауыл шаруашылығы – өңір экономикасының негізгі және азық-түлік қауіпсіздігін қамтамасыз ететін салаларының бірі. Ең өзекті мәселелер тізімінде мал шаруашылығын дамыту, көктемгі егіс жұмыстары және егін жинау.
Үкімет фермерлерге жан-жақты қолдау көрсетеді, бірақ шаруалардың барлық сұраныстары ескеріле бермейді.
Фермерлер Қордың азаматтардың шешім қабылдауға ықпалы қағидатын қолдайды.
“Ауыл шаруашылығы қызметкерлерінің салалық кәсіптік одағы» қоғамдық бірлестігінің Жамбыл облысы бойынша филиалының төрағасы Базантай Данияров атап өткендей, фермерлер билікті ашық болуға, халықтың мұң-мұқтажын естуге шақырады. Олар Қормен бірлесе отырып, әрбір азаматтың құқығын ескеретін әділетті қоғам құруға өз үлестерін қосуға ниетті.
Ауыл шаруашылығы қызметкерлері «Әділдік және Өркендеу» Қоры дамытуға ниетті мемлекеттік органдардың экономикалық, басқару ісі, әлеуметтік салаға және экологияға қатысты шешімдеріне азаматтар ықпал ете алатын түрлі тетіктерді белсенді қолдауға ниет білдірді.
