Тараздағы №59 мекемесіндегі жазасын өтеушілерге «Соқыр үміт» қойылымы сахналанды.
Темір тордың ар жағында жазасын өтеп жатқан талай жанды толғандырып, терең ойға қалдырған рухани іс-шара облыстық Қылмыстық атқару жүйесі департаменті мен А. Тоқпанов атындағы Жамбыл облыстық қазақ драма театрының бірлескен жобасы аясында ұйымдастырылды. Мұндай драмалық қойылымдар сотталғандардың мінез-құлқын түзеп, жамандықтан тыйылуына көп ықпал етеді. Бүгінгі өтіп жатқан іс-шараның мақсаты да осы-нағыз өмірінің дер шағын темір тордың ар жағында өткізіп жатқан азаматтардың жүрегіне жылу ұялатып, өздерін еш жамандыққа қимайтын аналарының, туған-туыс, бауырларының бар екенін естеріне салу. Сол арқылы әркімнің өз жүріс-тұрысын, ниетін түзеуіне ықпал ету.
Мекеме әкімшілігі театр қызметкерлерін алғыс хатпен марапаттап, ризашылықтарын білдірді. Мекеме қызметкерлері мұндай іс-шараларды тұрақты түрде өткізуді жоспарлап отыр.
