Алматы облысында мектеп бітірушілер жиналған кеш қанды оқиғамен аяқталды. Бұл туралы Anyqtime.kz тілшісі Politico.kz сайтына сілтеме жасап хабарлайды.
Нұртілеу Жылқышыбайдың әлеуметтік желідегі берген дерегінше, оқиға Долан ауылында болған. Мектеп бітіру салтанатынан кейін түлектер ата-аналары жалдап берген коттеджде бас қосып, кәуәп дайындап, көңіл көтерген. Отырыс барысында жанжал шығып, түлектердің бірі шампурды екінші оқушының кеудесіне сұғып алған.
«Кеудесіне шампур тығып, сыныптасын өлтірді. Алматы облысында 11-сыныпты бітіріп, соңғы қоңыраудан кейін коттеджде жиналған түлектер арасында жанжал туып, соңы қайғылы аяқталды», – деп жазды журналист.
Әлеуметтік желі қолданушылары оқиғаға қатысты пікір білдіріп, «Өлген бала кінәлі дейді», «Тыққан бала жуас болған», «Мұғалімдері қайда?» деген сынды түрлі сұрақтар қойып жатыр.
Қазіргі уақытта аталған факті бойынша қылмыстық іс қозғалып, тергеу амалдары жүріп жатыр.
🔗 Еске сала кетейік, осыған дейін Алматы облысында мектеп бітіру кеші қайғылы жағдайға ұласып, кеш соңы кісі өлімімен аяқталғанын, қылмыс темір шампурмен жасалғанын жазған едік.
https://anyqtime.kz/article/225-keudesine-sampur-sugylgan-almaty-oblysyndagy-tulek-olimine-qatysty-tyn-malimet-tarady?fbclid=IwY2xjawKi5BRleHRuA2FlbQIxMQBicmlkETFDUFlqRGVVem02eGlGUThZAR7qy6peFfOmvYPqfSOk8UlI2k6ecYW2jUwE09cVvVOMuZje8PKoj7RK6p217A_aem_PX41yko912CytcXnudnIww
Коллаж: Anyqtime.kz
