Жамбыл облысының әкімі Бердібек Сапарбаев @saparbayev_bm Халықаралық әйелдер мерекесіне орай өңірдің әлеуметтік-экономикалық, қоғамдық-рухани дамуына айтулы үлес қосып жүрген бірқатар нәзік жандыларды қабылдап, ҚР Президенті Қасым-Жомарт Тоқаевтың құттықтау хатын табыстады.
Мемлекет басшысының құттықтауына ие болғандардың қатарында Жамбыл облыстық мәслихатының депутаты Айгүл Ақшалова, «Анаға тағзым» рухани-адамгершілік даму орталығының директоры Эльмира Мырза-Ғали, Биологиялық қауіпсіздік проблемалары ғылыми-зерттеу институтының бас директоры Күнсұлу Закарья, осы институттың зертхана меңгерушісі Күләйсан Сұлтанқұлова, ақындар Үміт Битенова, Шырынкүл Мамасерікқызы, Паралимпиада ойындарының жеңімпазы (жүзу) Зульфия Ғабидуллина, Кәсіпқой боксшы Фируза Шарипова бар.
Аймақ басшысы олардың еліміз бен өңірді өркендету, рухани дамыту, спорт арқылы абыройын асқақтатудағы жемісті әрі жеңісті еңбектерін елеп өтіп, Мемлекет және облыс басшылығы атынан алғысын білдірді.
Толығырақ zhambyl.gov.kz сайтында
