Егемендігіміздің 34 жылы ішінде үкіметтік емес ұйымдар елімізбен бірге есейіп, бүгінде азаматтық қоғамның белсенді бөлігіне айналды. Бүгінде маңызы зор жұмыстар ауданымызда өз жалғасын тауып келеді
Осы орайда, аудан әкімінің орынбасары Е.Ермағанбетов аудандағы үкіметтік емес ұйым мүшелерімен кездесті. Кездесу барысында Е.Дайрабайұлы үкіметтік емес ұйымдардың ауданымыздағы рөлі туралы айтты: — Мемлекетіміздің сенімді серіктесі болып отырған — үкіметтік емес ұйымдардың іскерлік және сапалық деңгейі жылдан-жылға жаңа белестерге көтерілуде.
Мемлекет басшысы Қасым-Жомарт Тоқаев Қазақстан халқына Жолдауында «Белсенді азаматтық қоғам құру үшін үкіметтік емес ұйымдардың беделін арттыру қажет деп санаймын. Сондықтан 2025 жылы азаматтық қоғамды дамытудың тұжырымдамасын әзірлеп, қабылдауымыз керек» деп нақты айтты.
Президент бастамасымен Ұлттық қоғамдық сенім құрылды. Кеңес құрамына саяси партия, үкіметтік емес ұйымдар көшбасшылары, азаматтық сектор өкілдері кіргізілді.
Бұл жұмыстардың барлығы Сіздерге деген мемлекеттік қолдаудың жемісі деп білеміз, — деді.
Кездесуде 2024 жылы үкіметтік емес ұйымдармен атқарылған жұмыстар туралы және 2025 жылға жоспарлары туралы аудан әкімдігінің ішкі саясат бөлімінің басшысы Ұ.Салимова баяндама жасады:
Сарысу ауданында қазіргі таңда 26 үкіметтік емес ұйым тіркеуде тұр. Олардың 20-і қоғамдық бірлестік, 2-і қоғамдық бірлестік филиалы, 4-і қоғамдық қорлар болып табылады. Қоғамдық бірлестік мүшелерінің қатысуымен өткен жылы 29 іс-шара өткізілді. Әкімдік тарапынан құрылған көптеген жұмысшы топ құрамына кеңінен тартылады. 2024 жылы мемлекеттік әлеуметтік тапсырыс шеңберінде 6 тақырып жарияланды.
Сонымен қатар, аудандық ардагерлер кеңесінің төрағасы Ж.Жұмаділдаев пен аудандық алқа билер кеңесінің төрағасы Қ.Жандарбек те сөз сөйлеп, үкіметтік емес ұйымдардың жұмыстарына сәттілік тіледі.
Кездесуде мемлекеттік тапсырыстар жергілікті жердегі ұйымдарға берілсе деген сынды бірқатар ұсыныс — пікірлер айтылды.
