Қазақстан Республикасы Білім және ғылым министрлігінің Тіл саясаты комитеті Ахмет Байтұрсынұлының 150 жылдық мерейтойын атап өтуге бағытталған іс-шараларды өткізу мақсатында бұқаралық ақпарат қызметкерлері арасында жыл сайынғы «Мемлекеттік тіл және БАҚ» конкурсын өткізеді.
Конкурс «Үздік мақала», «Үздік теле- және радиобағдарлама» және «Үздік сайт мақаласы» деген үш номинация бойынша өтеді. Бас жүлде – 1 млн. теңге. Сонымен қатар әр номинация бойынша үш жүлделі орын және ынталандыру сыйлығы (ақшалай сыйлық) қарастырылған.
Осыған орай республикалық, облыстық және аудандық деңгейде бұқаралық ақпарат құралдарында мемлекеттік тілді дамыту, оның қолданыс аясын кеңейту, сондай-ақ Ахмет Байтұрсынұлының тілтану, әдебиеттану салаларын дамыту жөніндегі ғылыми, шығармашылық мұрасының қазіргі қазақ тілтану, әдебиеттану салаларымен сабақтастығы жөніндегі мемлекеттік тілде және орыс, ағылшын тілдерінде мақала жариялап жүрген журналистердің Конкурсқа қатысуына ықпал етулеріңізді сұраймыз.
Конкурс қағидаларының толық мәтінімен https://www.gov.kz/…/language/press/news/details/398112…, https://www.gov.kz/…/language/press/news/details/398112… сілтемелері арқылы танысуға болады.
