Қазақстан Республикасы Мемлекеттік қызмет істері агенттігінің Жамбыл облысы бойынша департаментімен тұрақты түрде мемлекеттік қызметшілердің арасында мемлекеттік қызмет саласындағы заңнама талаптарын түсіндіру бойынша тиісті шаралар өткізілуде.
Мәселен, ағымдағы жылдың маусым айында Еңбек және халықты әлеуметтік қорғау саласындағы реттеу және бақылау комитетінің Жамбыл облысы бойынша департаментінің, Жамбыл облысы бойынша Мемлекеттік кірістер департаментінің, сондай-ақ Қазақстан Республикасы Сот әкімшілігінің Жамбыл облысы бойынша департаментінің қызметшілері арасында осы мемлекеттік органдардың әдеп жөніндегі уәкілдерімен бірлесе отырып, семинар-кеңестер өткізілді.
Семинарлар барысында жауапты мамандар мемлекеттік қызметшілердің әдеп кодексі, мемлекеттік қызметшілерге тәртіптік жаза қолдану қағидалары, мемлекеттік қызмет атқарумен байланысты шектеулердің, әлеуметтік кепілдіктердің сақталуы бойынша түсіндірмелер берді.
Сонымен бірге, қашықтықтан жұмыс, аралас қашықтықтан жұмыс және икемді жұмыс уақыты режимінде жұмыс істеу, мемлекеттік органдардың жұмыс уақыты режимін сақтауына мониторинг жүргізу, қызметтік автокөліктерді тек лауазымдық міндеттерін және рұқсат етілген қызмет түрлерін орындау үшін пайдалану мәселелеріне тоқталып өтті.
Одан бөлек, мемлекеттік қызметшілердің ойын мекемелеріне баруы немесе құмар ойындарға/бәс тігуге қатысуына тыйым салынатындығы ескертілді.
Іс-шаралар соңында қойылған сұрақтарға қолданыстағы заңнама аясында жауаптар берілді.
