| Аудан әкімдігінің мәжіліс залында Қазақстан Республикасы Мемлекеттік қызмет істері агенттігі Жамбыл облысы бойынша департаменті жанындағы мемлекеттік қызметтер көрсету мәселелері жөніндегі ведомствоаралық жұмыс тобының отырысы өтті.
Жиынды ведомствоаралық жұмыс тобының төрағасы Шәкір Сұлтанхан жүргізіп отырды. Бұдан соң «Байзақ ауданында жергілікті атқарушы органдармен көрсетілетін мемлекеттік қызметтердің сапасы туралы» аудан әкімі аппаратының басшысы Еркін Заурбековтың баяндамасы тыңдалды. Баяндамашының айтуы бойынша 2022 жылдың 9 айында аудан бойынша жергілікті атқарушы органдармен 7084 мемлекеттік қызметтер көрсетілген. Оның ішінде электронды түрде – 6400 қызмет (90,3 %), қағаз түрінде– көрсетілмеген, қағаз түрінде (баламалы) – 684 қызмет (9,7%) түрі көрсетілген. Сонымен қатар осы мерзімде жергілікті атқарушы органдардың қызмет берушілері 14 қызметті көрсетуден дәлелді бас тартты. Аталған бас тартулардың негізгі себептері қызмет алушылардың құжаттар топтамасын толық ұсынбауы немесе дұрыс толтырмауынан болған. Биылғы жылдың 9 айында мемлекеттік көрсетілетін қызметтерге шағым түспеген. Жалпы 9 ай аралығында мерзімдері бұзылып көрсетілген мемлекеттік қызметтердің жалпы саны – 4. Ол бойынша тиісті мекеме басшыларына айыппұл салынып, ескерту берілген. |
Арайлым Нарбатырова
