Петропавлдық әйел бірге тұратын ер-азаматты өлтіріп, мәйітін бөлшектеп, қоқыс жәшігіне тастаған. Қанды оқиға қала жұртшылығын дүр сілкіндірді.Жұрттың үрейін ұшырған оқиға қалай болды? Бұндай ауыр қылмыс жасауға не себеп? Жазасын өтеп жатқан әйелмен Шаңырақ инфо Экспресс К тілшісінің тілдескенін жариялады.
Оқиға осыдан төрт жыл бұрын ақпан айында болған. Кезекті жанжалдың соңы қайғылы жағдаймен аяқталды. Бірге тұратын 69 жастағы ер адамды қатты соққыға жыққан әйел оны пышақтап, денесін балконға шығарып тастайды. Содан кейін қолына балтаны алып дене мүшелерін бөлшектеп, сөмкеге салып, қоқыс жәшігіне лақтырған. Бір аптадан кейін полицейлер із-түзсіз жоғалған адамды іздеп келгенде Алла бар шындықты айтып салған.
Алланың өмірі бір қалыпты өтіп жатты. Отбасы, күйеуі, балалары болды. Бірақ өмір бір орында тұрмайды. Күйеуінен айырылып, жесір қалды. Тіршілік жалғаса берді. Тағы бір азаматты жолықтырды. Оның есейген балалары, жеке пәтері, тұрақты табысы болды.
— Адамның қандай екенін бірден тани алмайсың
Қайғылы оқиға болатын күні Алла ас үйде балық тазалап тұрады. Осы кезде сүйіктісі балағаттап, ауыр сөздер айтады. Дөрекі жауап берген Аллаға қол көтеріп, ұра бастайды. Шыдамы таусылған әйел қолындағы пышақпен оны сұлатып салады. Өзі әрі қарай не болғанын өзі де түсінбегенін айтады. Ұзақ уақыттан бергі реніш, өкпе осылай шықса керек. Үрейленген, қорыққан әйел не істеп, не қойғанын білмейді. Көзі тұманданып кетеді. Сүйіктісін малша сойып, денесін бөлшектеп балконға шығарады. Дене мүшелерін сөмкеге салып, қоқыс жәшігіне тастайды. Содан кейін үйінен қашып шығып, ауру адамдарша көше кезіп кетеді. Бірнеше рет полицияға барып өз еркімен берілуді де ойлайды. Бір аптаға жетер-жетпес уақытта полиция келеді. Себебі өлген адамның туыстары іздеу салған екен.
Мен өзімді жек көремін. Осындай нәрсеге барғаныңды, адамды мал сияқты сойғаныңды қабылдау қиын. Бірақ мейірім мен адамершілігімді жоғалтпадым. Ісіме өкіндім,
Сот сараптамасы ер адамның бір емес, бірнеше рет пышақталғанын көрсетті. Ес-түссіз диванға құлаған сүйіктісіне әйел бірнеше рет пышақ сұғады. Осыдан кейін миына қан құйылып, көз жұмған.
Алла сот үкімімен ҚК-тің 99-бабы бойынша 10 жылға бас бостандығынан айырылды.
Алланың 2024 жылы шартты түрде мерзімінен бұрын босап шығуына мүмкіндік бар. Қазір зейнет жасында. Ал бостандыққа шыққанан кейін қалай өмір сүретінін сұрағанда ол ұзақ ойланып қалды.
Балаларым мені тастаған жоқ. Олар мені қолдайды. Қызымның өз кәсібі бар. Мүмкін, маған көмектесер,
Бұған дейін Ақтөбеде 90 жастағы кеуананы қинап өлтірген әйел туралы жазған едік.
