«Қазгидрометтің» мәліметінше, мереке күндері, яғни 30 желтоқсан мен 1 қаңтар аралығында антициклон әсерінен ауа райы құбылмалы болады.
Қара теңізден соққан антициклон Қазақстандағы ауа райына әсер етеді. Осыған байланысты еліміздің солтүстік-батыс, солтүстік, орталық пен шығысында күн райы ашық болып, 35 градусқа дейін аяз түседі.
30 желтоқсанда Шығыс Қазақстан облысында қар жауады, түнде солтүстік-шығыста боран соғады.
31 желтоқсанда еліміздің батысында, 1 қаңтарда оңтүстігінде, оңтүстік-шығысында жауын-шашын жауады.
Республика бойынша тұман түседі. Жел екпіні 15-20 м/с дейін күшейеді.
