Меркі ауданында кешенді оқу-жаттығу өтті

Жамбыл облысы әкімінің бірінші орынбасары Н. Календеровпен бекітілген «2023 жылға арналған Жамбыл облысының аумағындағы азаматтық қорғау саласында оқу-жаттығулар мен машықтануларды өткізу Жоспарына» сәйкес Меркі ауданының аумағындағы жойқын жер сілкінісі салдарын жою бойынша азаматтық қорғау күштері мен жергілікті атқарушы органдарының іс-әрекеттері», «АҚ жүйесін бейбіт жағдайдан соғыс жағдайына ауыстырған кездегі аудан экономикасын басқару жұмыстары», «Шекаралас мемлекеттерден келген босқындарды қабылдау және қалыпты тіршілік жағдайын қамтамасыз етуді ұйымдастыру» тақырыбында кешенді оқу-жаттығу өтті. Кешенді оқу-жаттығудың негізгі мақсаты: Азаматтық қорғаныс жоспарының іске асырылуын, басқару органдарының, ауданның Азаматтық қорғау қызметтерінің күштерінің бейбіт және соғыс кезеңінде міндеттерді мақсатқа сай шешуге дайындығын тексеру, аудандағы басқару жүйесін және ауданның байланыс және құлақтандыру жүйесінің жағдайын тексеру, эвакуациялық қабылдау пунктін құру және тұрғындарды қабылдауды ұйымдастыру.
Облыс әкімінің орынбасары Н.Календеровтың тапсырмасын орындау мақсатында Меркі ауданы әкімінің орынбасары Арғымбаев Қайрат Рахымбайұлы басқарған жоспарлау отырысы өтті. Оған Жамбыл облысы ТЖД АҚБ бастығы подполковник Р.И. Шариев; Жамбыл облысы Төтенше жағдайлар департаментінің офицерлері, облыстық және аудандық ұйым-мекеме мамандары қатысты. Отырыста әрбір мекеме, ұйым қызметкерлерінің төтенше жағдайдың алдын алу бойнша іс-әрекет жоспары құрылып, алгоритмге сәйкес әрекет ету бағыттары нақтыланды. Бұдан соң қоғамдық тәртіпті сақтау күштері, өртке қарсы қызмет, шұғыл әрекет ету жасағы, алғашқы дәрігерлік көмек жасағы,- нысандық құрамалары, құтқару командасы, жылжымалы тамақтандыру пункті, азық-түлікпен жабдықтайтын жылжымалы пункт, жол-көпір командасы;
электржүйесінің техника-авариялық тобы, судан құтқару қызметі, барлау тобы, әуе барлау тобы, жылжымалы киім-кешекпен қамтамасыз ету пункті, су тасу звеносы сапқа тұрып, техникалық базасының дайындығы тексерілді.
Оқу-жаттығуда басқару мен барлық қолда бар байланыс құралдарын қолдана отырып, Төтенше жағдайларды жою жөніндегі іс-қимылдар жоспарына сәйкес әрекет етілді.