Мемлекет басшысы Қасым-Жомарт Тоқаев Кемелұлының азаматтардың әл-ауқатын арттырып, өңірлерде халықтың тұрмыс сапасын жақсарту қажеттігі туралы тапсырмасына сай, облыс әкімі Сапарбаев Бердібек Машбекұлының қолдауымен, аудан әкімі Нұрсипатов Руслан Маратұлының ұйымдастыруымен, ауданымыздағы мұқтаж отбасыларға қолдау көрсету мақсатында көппәтерлі тұрғын үйлердің құрылысы басталған еді.
Руслан Маратұлы өз сөзінде: «Құрметті көпшілік қауым! Алдымен баршаңызды Ұлыстың Ұлы күні – Наурыз мерекесімен шын жүректен құттықтаймын! Бүгін міне, сіздердің шынайы пейілдеріңіз шығар, ауа райы да ашылып, мерекемізге шуағын шашып тұр.
Осындай мерекелі күні, өздеріңізге жаңа пәтерлердің кілтін табыстағалы тұрмыз. Көпбалалы аналарға, мұқтаж отбасыларға қолдау көрсету – бұл мемлекетіміздің, жалпы қоғамның алдындағы басты міндет деп білеміз.
Ал, ауданымызда көп жылдан бері тұрғын салынбаған болатын. Сондықтан, аудан тұрғындарының өтініш-тілектерін ескеріп, тұрғын үй салу мәселесін басты назарға алып, жұмысты бастаған едік. Бүгін міне, пәтерлердің алғашқы легін өздеріңізге табыстайтын боламыз. Сондай-ақ, алдағы уақытта да аудандағы мұқтаж отбасыларды тұрғын үймен қамтамасыз ету жұмыстары жалғасын табыды. Ендеше, қоныстарыңыз құтты болсын! Шаңырақтарыңызда әрдайым шаттық орнап, ынтымақ-бірліктеріңіз бен берекелеріңіз арта берсін. Мереке құтты болсын!», – деп өзінің жүрек жарды лебіздерін білдірді.
