Жамбыл облысының әкімі Бердібек Сапарбаев @saparbayev_bm Меркі ауданының тұрғындарымен кездесіп, өтініштерін тыңдады. Кездесуде аудан әкімі Руслан Нұрсипатовтың өткен жылы атқарылған жұмыстар туралы есебі тыңдалды.
📍Жиында алдымен аймақ басшысы облыста және ауданда атқарылған жұмыстар туралы қысқаша хабарлады. Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты Қазақстан халқына Жолдауындағы ауқымды міндеттерге кеңінен тоқталып, басты міндет – жаңа құжаттың жүзеге асырылуын қамтамасыз ету екендігін айтты.
– Өткен жылы атқырылған ауқымды жұмыстардың нәтижесінде облыстың экономикалық өсімі 105,8 пайызға жетті. Қандай да бір қиындықтарға қарамастан даму қарқынын төмендетпей, арттыра түсуге тиіспіз. Ол үшін бұқара мен биліктің бірлесіп әрекет етуі, қоғамдағы тыныштық пен тұрақтылықты қамтасыз етуі аса маңызды. Сол арқылы ғана біз дамуға қол жеткізе аламыз, — деді Б.Сапарбаев.
✅ Есептік кездесуден соң аймақ басшысы 20-ға жуық тұрғынды жеке қабылдады.
➡️Толығырақ zhambyl.gov.kz сайтында
