Меруерт Түсіпбаева 50-ге келген шағында ғашық болып қалғанын мойындады. Махаббаттан басы айналып жүрген әнші “мұның соңы немен аяқталатынын білмеймін” деп ағынан жарылды. Көптен бері көрінбей кеткен өнер иесі мұны жеке өміріндегі өзгерістермен түсіндірді
«Біраз уақыттан бері жоғалтқанымды тапқандай сезімдемін… Бақыттан басым айналуда, Фариза ақын дөп басып айтқан-ау… «Менде бір толғаныс бар» Ғұлама Пушкин, «Любви все возрасты покорны» деген екен… 50-ге келген шағымда қайта ғашық боламын деп ойламаппын…
Дәл қазір өзімді 25 жастағы қыздай сезінудемін… жүрек қартаймайды екен… «Ғашықпын, шын ғашықпын сол адамға… мен болмасам болмайын… сол аман ба?» деп тебіренген Мұқағали…
Менің өмірімді 180 градусқа бұрып, өзгерткен махаббат хикаясы қалай аяқталады, оны бір Құдай ғана біледі. Мен … білмеймін, бағым ба бұл, сорым ба?! Қалай болғанда да ол Адамның амандығын тіледім… Ал сіздер маған қандай кеңес бересіздер?!», – деп жазды ол желідегі парақшасында.
Оқырмандар әр әйелдің бақытты болуға лайық екенін айтып, әншіге қолдау білдірді.
«Болады, неге болмасқа?», «Әрбір әйел бақытты болуға лайықты», «Сіз сияқты адам жалғыз болмауы тиіс. Теңіңізді табуыңызға тілектеспін», — деп жылы лебізін білдірді оқырмандар.
