фото: parlam.kz
https://turkystan.kz/article/268613-ministr-mugalimderge-qatysty-manyzdy-malimdeme-zasady
Министр мұғалімдерге оқу процесіне қатысы жоқ жұмыстар жүктелмеуі тиіс екенін айтты, деп хабарлайды turkystan.kz.
Министр бүгінде елімізде осы мақсатта білім беру ұйымдарының инфрақұрылымын жаңғыртумен қатар, ұстаздардың кәсіби беделін арттыруға, әлеуметтік қолдауға бағытталған маңызды қадамдар жасалып жатқанын айтты.
«Ұстаз – жас ұрпақтың дүниетанымын қалыптастыратын, өмірге деген көзқарасын айқындайтын тұлға. Олар жас ұрпақты үздіксіз оқуға, өзін-өзі дамытуға бағыттайды, болашаққа сеніммен қадам басуына жол сілтейді. Сондықтан ұстаздардың еңбегі лайықты бағаланып, оларға үнемі құрмет көрсетіліп келеді», – деді министр Жұлдыз Сүлейменова.
Министр педагогикалық қоғамдастықпен бірқатар ұстанымдарымен бөлісті.
«Біріншіден, мектепте сапалы, қолданбалы білім берілуі тиіс. Екіншіден, білім жүйесі аясында оқушылардың адамгершілік мен моральдық келбетін қалыптастырудың «Адал азамат» біртұтас тәрбиелік бағдарламасын мазмұнды жүзеге асыруды ары қарай жалғастырамыз. Үшіншіден және ең бастысы, мұғалімнің біліктілігін үздіксіз арттыру және олардың шығармашылық жұмысына жағдай жасау басты басымдығымыз болады», – деді министр.
Сонымен қатар, министр мұғалімдерге оқу үдерісіне қатысы жоқ қосымша шаралар мен артық жұмыстар жүктелмеуі тиіс екенін баса айтты.
Толық нұсқасына гиперсілтеме беруді ұмытпаңыз: https://turkystan.kz/article/268613-ministr-mugalimderge-qatysty-manyzdy-malimdeme-zasady
