Нұр-Сұлтанда полицей есірткі өнімін сатқаны және сақтағаны үшін 5 жылға бас бостандығынан айырылды, деп хабарлайды Stan.kz ақпарат агенттігі.
15 маусымда Нұр-Сұлтан қаласы Алматы ауданының №2 соты Сарыарқа аудандық полиция бөлімі бастығының орынбасарына есірткіні өткізу мақсатынсыз заңсыз сату және сақтау фактісі бойынша айыптау үкімін жариялады.
Т.-ға массаж қызметіне үшін 2,1 грамм есірткі заты – гашишпен төлегені үшін, сондай-ақ аса ірі мөлшерде жалпы салмағы 21,76 грамм гашишті заңсыз сақтаған деген айып тағылды.
Сотта анықталғандай, сотталушының кінәсі массаж қызметін көрсеткен және бұл үшін Т.-дан гашиш алған куәгердің, тінтуге қатысқан куәгерлердің айғақтарымен, заттай дәлелдемелермен, арнайы жедел-іздестіру іс-шаралары кезінде жасалған әңгімелесу жазбаларымен дәлелденді.
«Жасалған қылмыстық құқық бұзушылықтардың қоғамдық қауіптілігін ескере отырып, сот Т. ҚК-нің 297-бабының 1-бөлігі бойынша – 5 жылға бас бостандығынан айыру, ҚК-нің 296-бабының 3-бөлігі бойынша – 100 сағат мерзімге қоғамдық жұмыстарға тарту. Қылмыстық құқық бұзушылықтардың жиынтығы бойынша Т. 5 жылға бас бостандығынан айырылды», — делінген хабарламада.
Сондай-ақ сотталушы полиция подполковнигі арнайы атағынан айырылды.
Үкім заңды күшіне енген жоқ.
https://stan.kz/nyr-cyltanda-policiya-kizmetkeri-massazhga-esirtkimen-t-366063/
