Нұр-Сұлтан қаласының Полиция департаменті ұлы Абайдың 177 жылдығына арналған бірқатар іс-шараларды ұйымдастырды деп хабарлады turkystan.kz.
Департаментте Абайдың асыл мұрасын насихаттайтын «Тұлғаға тағзым» атты кітап көрмесі қойылды. Көрме барысында жас қызметкерлер ғұлама ақынның, абайтанушылардың, зерттеушілірдің еңбектерімен танысу мүмкіндігіне ие болды.
Сондай-ақ Департаменттің ведомствалық музей басшысы, тарих ғылымдарының магистрі Шынар Уайсова жеке құрам арасында Абай Құнанбайұлының өмірін насихаттау, ақынның шығармашылығы арқылы мақтаныш сезімін, патриоттық рухты тәрбиелеу бойынша дәріс өткізді.
Іс-шара барысында полицейлер Абайдың шығармашылық мұрасымен тереңірек танысып, пайдалы мағлұмат алды.
