Нұр-Сұлтанда полицейлер ұлының еміне жиналған қаржы салынған әмиянды иесіне қайтарып берді

Нұр-Сұлтан тұрғыны ұлының еміне деп жиналған қаржы салынған әмиянын жоғалтып алған. Кейін әмиянды қала полицейлері қайтарып берді. Бұл туралы Нұр-Сұлтан полиция департаментінің баспасөз қызметіндегілер айтты, деп хабарлайды Шаңырақ инфо Stan.kz сайтына сілтеме жасай отыра Тұрғын ақша салынған әмиянды тауып, қайтарып берген «Есіл» ауданының учаскелік полицейлеріне алғыс айтты.

Кешкі уақытта ер адам сауда-ойын-сауық кешенінің бірінде әмиянын жоғалтып алған. Әмиянда ұлының еміне деп үш жыл жинаған қаржысы болған.

Ер адам полицияға арыз жазған. Іздеу шараларының нәтижесінде құқық қорғау органының қызметкерлері жоғалған әмиянды тауып, иесіне қайтарып берді.