Нұр-Сұлтандағы «Сергек» камералары ережебұзушылықтың тағы бір түрін тіркейтін болды

Елордада «Сергек» камералары жол қозғалысы ережелерін бұзудың тағы бір түрін тіркей бастады, — деп хабарлайды Tengrinews.kz тілшісі Нұр-сұлтан ПД баспасөз қызметіне сілтеме жасап.

«Нұр-Сұлтандағы 26 реттелетін жаяу жүргіншілер өткелінде «бағдаршамның тыйым салатын сигналына өту» ересін бұзғандарды анықтау бойынша «Сергек» камераларының қосымша функциясы әзірленіп, енгізілді. Бұл жаңашылдық «Жолдардағы балалардың қауіпсіздігі» жедел алдын алу іс-шарасы аясында енгізілді», — делінген ақпаратта.

Полиция өкілдері 2021 жылы қаланың жаяу жүргіншілер өткелінде 98 жол-көлік оқиғасы болғанын атап өтті. Оның салдарынан 95 адам түрлі дәрежедегі жарақат алған.

Полиция департаменті өкілдері жол қозғалысының барлық қатысушысына бір-біріне өзара құрмет көрсетуді, ал жүргізушілерге абай болуды және жаяу жүргіншіні көргенде жылдамдықты төмендетуді сұрады.

https://kaz.tengrinews.kz/kazakhstan_news/nur-sultandagyi-sergek-kameralaryi-erejebuzushyilyiktyin-333885/