Шатыркөл-Жайсан кластерінде жаңа кен байыту фабрикасының жобалық құны 55.7 млрд. құрайтын құрылысы барысымен де танысып келдім. Тапсырыс берушісі – «Казақмыс Корпорациясы» ЖШС.
Фабриканың құрылысымен мердігер ретінде «ААEngineering Group» ЖШС мамандары айналысуда.
Жалпы, мұндағы жұмыс қарқыны да ойдағыдай екен. Былтыр 11,7 млрд теңге қаражат игерілсе, биылға жоспарланғаны 36,6 млрд теңгені игеру. Ал арғы жылы, яғни 2023 жылы мердігер компания 7,4 млрд теңгені игеріп, жұмысты толық аяқтауы тиіс.
Бұл фабрика іске қосылса жобалық қуаттылығы бойынша жылына 1,2 млн тонна кен байытуы тиіс. Бұйыртса бұл аудан экономикасы мен еліміздің кен игеру саласы үшін үлкен жаңалық болмақ.
Мердігер копания өкілінің айтуынша құрылыс кезеңінде 300 адам жұмысқа жұмылдырылмақ. Іске қосылып жатса фабрика 348 адамның қайнаған жұмыс орнына айналмақ.
Бірлік ауылындағы мақсары майы өндірісімен айналысып жүрген «Kaz-Ir Agro» жауапкершілігі шектеулі серіктестігінің де өндіріс ордасына ат басын бұрып, жағдайын көріп қайттым.
Бұл зауыт мақсары майын өндірумен қатар майлы дақылдар мен дәнді дақылдарды және олардың тұқымын өсірумен де танымал. Күніне 6 тонна өнім шығарып отырған өндіріс ошағының аяқ алысы жаман емес, тауарларына да нарықта сұраныс бар.
Мұнда 62 адам жұмыспен қамтылған. Олардың орташа жалақысы 100 000 теңге төңірегінде екен.
Зауыт жақын күндері өндірістік қуатын тәулігіне 9 тоннаға дейін артыруды көздеп отыр. Ол үшін Германиядан 1.7 млн. жабдық сатып алған. Қазір жабдықты орнату жұмыстары жүруде.
Басшыларымен жолығып, тыныс-тіршілігімен танысқан өндіріс орындарының алдағы аяқ алысына сәттілік тілеумін. Ең бастысы нақты жұмыс бар.
Сәкен Арубаев, Шу ауданының әкімі
