сурет: istockphoto.com
Үнемдеу үшін: 22 жастағы қыз қарттар үйінде тұрып жатыр: 23 наурыз 2026, жаңалықтар Turkystan.kz
Қытайдың Сучжоу қаласында 22 жастағы Чжан Цзин есімді қыз баспана мәселесін өзгеше жолмен шешіп, қарттар үйінде тұрып жатыр. Ол айына небәрі 200-300 юань (шамамен 3 000-4 500 теңге) төлейді – бұл кәдімгі пәтер жалдаудан бірнеше есе арзан, деп хабарлайды turkystan.kz mustsharenews.com-ға сілтеме жасап.
Жергілікті Litchi News мәліметінше, қыз бұл жерде екі жылдан бері тұрып келеді. Алайда мұндай арзан өмірдің өз шарты бар: Чжан Цзин қарттар үйінде тоқсанына 45 сағат жұмыс істеуі тиіс, яғни аптасына шамамен 4 сағат. Ол көбіне демалыс күндері көмектеседі.
Қыздың айтуынша, бұл шешім тек қаржылық тиімділік емес, сонымен қатар ерекше әлеуметтік тәжірибе болған. Қарттар оны өз немересіндей көріп, үнемі қамқорлық жасап, тамақтандырып, жағдайын сұрап отырады.
Чжан Цзин 2023 жылы Цзянси өңірінен Сучжоуға жұмыс іздеп келген. Бұған дейін пәтер жалдап тұрған, бірақ оның ақысын ата-анасы төлеуге көмектескен.
Толық нұсқасына гиперсілтеме беруді ұмытпаңыз: https://turkystan.kz/article/278572-unemdeu-usin-22-zastagy-qyz-qarttar-uiinde-turyp-zatyr
