Аудан әкімі Баубеков Жорабек Нұрмергенұлы «Сенімен болашақ» атты байқауға қатысып, облыстық деңгейде үздік атанған Оразалиевтер отбасын қабылдады.Оразалиевтер отбасы «Сенімен болашақ» республикалық ата-аналар қоғамдық бірлестігінің ұйымдастыруымен өткізілген, ата-аналардың баламен қарым-қатынасын нығайта отырып, робототехникалық шығармашылығын дамытуға арналған байқауға қатысып, облыста үздік атанған еді.
Жорабек Нұрмергенұлы Оразалиевтер отбасын жеңісімен құттықтап, байқаудың республикалық деңгейінде де топ жаруға сәттілік тіледі. Осындай өнер тапқыш балалар еліміздің болашағы екенін атап өтіп, арнайы сыйлықтар тарту етті.
Одан кейін, «Сенімен болашақ» республикалық ата-аналар қоғамдық бірлестігі Жамбыл облысы бойынша филиалының басшысы Дәурен Бағжанов өнерлі отбасыға қоғамдық бірлестіктің Алғыс хатын және осы қордың шығарған тәрбиелік мәні зор кітаптарын табыстады.
