✅ Осы аптаның соңында Қызыл жұлдыз ауылында қоғам қайраткері Низамеддин Фахрутдиновқа ескерткіш-тақта орнатылды.
✅ Ескерткіш тақтаның салтанатты ашылу рәсімінде аудан әкімінің орынбасары Дәуір Дәулетов құттықтау сөз сөйлеп, қоғам қайраткеріне көрсетіліп жатқан құрметтің маңыздылығын атап өтті.
✅ Жамбыл облыстық ассамблеясының татар-башқұрт этномәдени орталығының төрағасы Амир Халиков елдің қуаты бірлікте екендігін, адамзат тарихында көпэтносты Қазақстанның болашағы жарқын болатындығын жеткізді. Ауылдық ардагерлер кеңесінің төрағасы Нұртаза Құдайбергенов Қызыл жұлдыз ауылының өсіп-өркендеуіне сүбелі үлес қосқан тұлғалардың бірі Низамеддин Фахрутдиновтың еңбегі ерен екендігін, осындай азаматтың немере-шөберелері бірлесе отырып, мектеп жанынан стелла орнатқандығына алғысын білдірді. Еңбек ардагері, ауданның Құрметті азаматы Назым Қуанышбаева 1912 жылы Низамеддин Фахрутдинов Қызыл жұлдыз ауылындағы (бұрынғы Қостөбе) қазіргі Апатаев көшесінің, №3 үйінде тұрғандығын, өз баспанасын ауыл балалары оқысын деп мектепке айналдырғанын, осы білім ұясынан көптеген азаматтар білім алғандығын айтты. Осыдан 31 жыл бұрын өзінің бастамасымен бұрынғы «Комсомольская» көшесіне Низамеддин Фахрутдиновтың есімі берілгендігін, осы көше бойына ескерткіш-тақтаны орнатқан Фахрутдиновтар әулетіне алғысын білдірді. Қоғам қайраткерінің немересі Мнавара Шайхсламова атасының еңбегін бағалап, құрмет көрсеткен ауыл, аудан басшылары мен белсенді азаматтарға алғысын айтты.
✅ Жиын барысында Низомеддин Фахрудиновқа қойылған ескерткіш-тақтаның жамылғысы ашылып, шашу шашылды.
✅ Ары қарай шара көрнекті тұлғаның немересі Шығытайдың отбасында жалғасты. Мұнда еңбек ардагері Асылбек Өмірзақов қоғам қайраткері Низамеддин Фахрутдинов, оның немересі Шығытайдың адами қасиеттері, атқарған еңбектеріне қысқаша тоқталды.
✅ Мұнан кейін Шығытай Ғұмарұлының ұзақ жылдар өзі тұрған үйге арнайы тақта орнатылды, оның жамылғысын ардагер Асылбек Өмірзақов, Дүкен
