«Халық үніне құлақ асатын мемлекет» тұжырымдамасы бүгінде өз өміршеңдігін дәлелдеді. Бұл орайда жергілікті билік өкілдеріне қоғаммен кері байланыс орнату негізгі міндеттің бірі. Осы талаптың үдесінен қала әкімдігіне қарасты бөлімдер шыға алып жатыр ма? Тараз қаласының әкімі Бақытжан Орынбековтің төрағалығымен өткен кезекті аппараттық кеңесте осы мәселе күн тәртібіне көтеріліп, талқыға түсті.![]()
Тараз қаласы әкімдігі медиа орталығының директоры Балнұр Бектұрғанованың мәліметінше, әкімдік парақшаларында шаһардың тыныс-тіршілігі, атқарылып жатқан жұмыстар дер кезінде жариялануда. Сондай-ақ тұрғындар шағымына да жіті көңіл бөлініп, «Алтын сағат» қағидасы ұстанылуда.![]()
– Бүгінде әкімдіктің Instagram парақшасында 90 900, Facebookта 6 110 жазылушы бар. Жыл басынан бері әкімдіктің әлеуметтік желілеріне 136 пост, 37 бейнеролик және 99 баннер жарияланды. Ал әкімдіктің ресми парақшаларында 168 материал жарық көрді.![]()
Дегенмен жұмыс істелген жерде мәселе де болатыны белгілі. 2025 жылдың қаңтарынан бастап Instagram әлеуметтік желісіндегі парақшаларда 230 пост, Facebook әлеуметтік желісінде – 27, облыс әкімі мен қала әкімінің Instagram, Facebook әлеуметтік желісіндегі ресми парақшаларына – 62, ресми БАҚ – 58 және облыс әкімінің ақпараттық дайджестіне 673 шағым келіп түсті. Барлық сауалға мерзімінде жауап берілуде. Сұрақтардың басым бөлігі қалалық ТҮКШ бөліміне қарасты болса, қалғаны басқа салаларды қамтиды.
«IKOMEK-109» порталына келсек, жыл басынан бері платформа арқылы 673 өтінім түсіп, 438-і уақытында, 30-ы кешіктіріліп жабылды. 172 сұрақпен жұмыс жүргізілуде. Мерзімі өткен сұрақтар жоқ.
Қала әкімдігіне қарасты бөлімдердің парақшаларында ақпарат пен халыққа қажетті хабарландыру бекітілген медиа-жоспар бойынша салынуда. Бұл бағыттағы жұмыстар медиа орталық мамандарының жіті бақылауында, – деген Балнұр Бектұрғанқызы жыл соңына дейін жүйелі жұмыстар жалғасын табатындығын жеткізді.![]()
Өз кезегінде қала әкімі Бақытжан Әмірбекұлы қоғаммен кері байланыс жасауға атүсті қарауға болмайтынын ескертіп, тұрғындар сауалына сауатты әрі дер кезінде жауап беру маңыздылығын баса айтты.
Аппараттық кеңесте бұдан бөлек қала бюджетінің орындалуы, «Халық қатысатын бюджет» жобасының орындалуы, қыста қала көшелерін күтіп-ұстау, жер учаскелерін есепке алу, балалардың жазғы демалысын ұйымдастыру, тұрғын үймен қамту, діни ахуал, шағын және орта бизнесті дамыту, әз Наурыз мерекесіне дайындық жұмысы сынды мәселе де қаралып, жауаптыларға нақты тапсырмалар берді.
