Тәуекел Мүсілім бойдақ кезі туралы «Менің өмірім» бағдарламасында айтты. Актер қырғызстандық аруға шын ғашық болғанын мойындады. Тіпті, оған үйленуге де ниет болғанын жасырмады. Алайда, қос ғашықтың қарым-қатынасы үзіліп, жалғасын таппаған. Бүгінде өнер иесі өз бақытын тапқанына аса қуанышты екенін жеткізді. «Қырғызстанда бірнеше қыз болды ғой. Соның бірі – Айтұрған Мама. Мен оған шын ғашық болдым. Үйленеміз деп те ойладым, бірақ бұйырмады. Бар болғаны сол. Жақсы араластық. Үйленген соң бұрынғы өткенім туралы айта бергім келмейді. Әйелім ренжиді. Қазір шүкір, әйелім, балам бар. Бәрі артта қалды», – деді ол.
Автор: Малика Хадид
