Жамбыл облысының әкімі Нұржан Нұржігітов Сарысу ауданына келіп, бірқатар әлеуметтік нысандарды аралады.
Алдымен «Qazaq soda» кальцийленген сода өндіру зауытына барған өңір басшысы зауыттың құрылыс жұмыстарының қарқындылығымен танысты.
Мұнан соң Жаңаталап орта мектебінің спорт зал, жапсарлас асхана және мәжіліс залын салудың құрылыс жобасын талқылап, Маятас ауылындағы 50 оқушыға арналған мектеп құрылысының сызбасын пысықтады.
Әрі қарай «Игілік» өндірістік кооперативінің жұмысына жете тоқталып, мал азығын дайындау жұмыстарының тиімділігін бағамдап қайтты.
«Тараз көлік жолы» ЖШС-нің асфальт салу мен «Асыл тұз» йодталған ас тұзын өндіру зауытын аралаған аймақ басшысы Жаңатас қаласының орталық жылыту қазандығын табиғи газға ауыстыру жобасымен танысып, а«Жаңатас» жел электр станциясына қарай жол тартты. Одан әрі ЕвроХим-Тыңайтқыш ЖШС-нің фосфор ұнтағын өндіру зауытының жұмысымен танысқан Нұржан Молдиярұлы іссапар кестесі бойынша аудан активтерімен кездесті.
Сарысу ауданы әкімдігінің баспасөз қызметі
