Облыс әкімі Бердібек Машбекұлы ауданға келген жұмыс сапары барысында білім ошақтарынына да бас сұқты.
Әуелі С.Сейфуллин атындағы орта мектепке барып, білім нысанының қалыпты жұмысына көз жеткізді. Аталған мектеп директоры Гүлмира Өмірбекованың айтуынша, білім ордасы 1974 жылы пайдалануға берілген. Бүгінгі таңда онда 699 оқушы білім алуда. Мектеп уақыт талабына сай бірнеше жыл бұрын күрделі жөндеуден өткізілген.
Аймақ басшысы аталған мектептің биылғы оқу жылының түлектерімен кездесіп, өмірлік ақыл-кеңесін айтып, бағыт-бағдар берді.– Қазір сендердің жақсы оқып, жақсы білім, жақсы тәрбие алып шығуларыңа барлық мүмкіндік жасалған. «Боламын деген баланың, бетін қақпа, белін бу» деген. Оқимын деген жастың талабын ешкім қайтара алмайды. «Болашақ» бағдарламасы аясында шет мемлекеттерге барып, білім алуларыңа да жол ашық, — деді облыс басшысы оқушыларға айтқан жылы лебізінде.
