Өңірлік коммуникациялар қызметінің ақпарат алаңында Жамбыл облысы санитариялық-эпидемиологиялық бақылау департаменті басшысының орынбасары Бағлан Қыдырбаев КВИ бойынша эпидемиологиялық жағдай және «қызыл» аймақ жағдайындағы шектеу шаралары туралы баспасөз конференциясын өткізді.
Бағлан Жарылқасынұлы облыстың Бас мемлекеттік санитариялық дәрігерінің 17.01.2022 ж. №1 жаңа қаулысының негізгі тармақтары туралы айтып, «Ashyq» жобасына қатысатын және қатыспайтын әлеуметтік-экономикалық нысандардың жұмысын шектеу, тыйым салу және реттеу шараларын түсіндірді.
Құжатта көрсетілгендей, облыста «Ashyq» жобасына қатысатын объектілерде 30 адамға дейін еске алуды өткізуді қоспағанда, бұқаралық іс-шараларотбасылық, естелік іс-шараларды қоса алғанда, ашық ауада да, үй ішінде де, оның ішінде үйде де өткізуге тиым салынады.
Сондай-ақ, «Ashyq» жобасына қатысқанына қарамастан, концерт залдарының, театрлардың, цирктердің, филармониялардың қызметіне, діни бірлестіктер объектілерінде (мешіттер, шіркеулер, соборлар, синагогалар және т. б.) ұжымдық іс-шаралар (жұма намазы, діни жоралар және т.б.) өткізуге, конференциялар, семинарлар, көрмелер, форумдар өткізуге,түнгі клубтардың қызметіне, және қоғамдық тамақтану объектілерінде бар тағандарға қызмет көрсету, ән айту және би бойынша қызметтер көрсетумен караоке қызметіне (қоғамдық тамақтану бойынша қызметтерді қоспағанда), жеке кездесулер өткізуге (вакцинацияланған 10 адамға дейін) рұқсат етілмейді.
– Тіршілікті қамтамасыз ету және коммуналдық шаруашылық объектілерін қоспағанда, қызметкерлерді COVID-19-ға қарсы вакцинациялауды және ревакцинациялауды жүргізуге қарамастан, мемлекеттік органдар (ұйымдар), ұлттық компаниялар, кәсіпорындар персоналының кемінде 70%-ы қашықтықтан жұмыс нысанына ауыстырылсын.
Облыс орталықтарының, аудан орталықтарының 600 оқушыға дейін мектептері– оқытуды штаттық режимде, 600-ден астам оқушысы бар мектептер — қашықтықтан оқыту форматы, ауыл мектептері — оқытудың штаттық форматы, 1-2 сыныптарға оқытудың штаттық форматы және 3-5 сыныптарға — кезекші сыныптар (қашықтықтан оқыту форматы бар жерде оқытылады. Барлық курстардың студенттері үшін жоғары оқу орындары мен колледждердің жұмысын аралас оқыту форматында ұйымдастыру: барлық дәрістер – онлайн, практикалық, зертханалық, семинарлық сабақтар – ыңғайлы кесте бойынша штаттық форматта оқытылады.
Вакцинацияның толық курсын аяқтаған вакцинацияланған студенттерді оқу орны әкімшілігінің қалауы бойынша штаттық режимде оқытуға жол беріледі. Қосымша білім беру ұйымдарында жеке сабақтар шеңберінде оқыту – тұрақты режимде, топтық сабақтарда – 10 адамға дейін, балалар мен ересектерге арналған түзету орталықтарында, жеке және топтық сабақтарда – тұрақты режимде – 10 адамға дейін,– деді Бағлан Қыдырбаев.
Спикер барлық азаматтарды эпидемияға қарсы шараларды, әлеуметтік қашықтық пен бетперде режимін қатаң сақтауға, сондай-ақ вакцинация және ревакцинация туралы мәселені кейінге қалдырмауға шақырды. Тек ұжымдық иммунитет бізге коронавирустық инфекцияны жеңуге көмектеседі, бұл шектеулерді біртіндеп алып тастауға және әдеттегі өмірге оралуға әкелетінін ескертті.
Айжан Өзбекова
https://arainfo.kz/oblista-karantin-rezhim%D1%96-k%D2%AFsheyt%D1%96ld%D1%96
