Берекелі бейсенбі күні 5 маусым күні өтетін республикалық референдумды қолдау жөніндегі Жамбыл облыстық қоғамдық штабы Шу ауданында жұмыс сапарымен келген болатын.
Құрамында мемлекеттік қызмет саласының ардагері, аталған штаб басшысының орынбасары Рахметілдә Рахманбердиев, әлеуметтанушы Парида Мамедова, облыстық пікірсайыс одағы «Еркін пікір» жастар қоғамдық бірлестігінің төрайымы Фариза Амантаева секілді мүшелері бар топ түске дейін Шу аудандық Мәдениет үйінде аудан тұрғындарымен, мәдениет саласының қызметкерлерімен кездесу өткізіп республикалық референдум туралы түсіндіру жұмыстарын жүргізді.
Сондай-ақ штаб мүшелері түстен кейін түрлі этнос өкілдері тұратын Жаңа жол, Ескі Шу, Қонаев ауылында болып, жергілікті халыққа мақсат тұтып келген миссиялары туралы толығырақ тарқатып, туындаған сұрақтарға жауап берді.
Шу ауданы
