Қойдың басын динозаврға теңеген бүлдіршін жұртты күлкіге қарық қылды. Ыдысқа салынған басты көрген бала одан қорқатынын айтады.
Әлеуметтік желіні шарлап кеткен видеоны бүлдіршіннің анасы өз парақшасына жариялаған, деп хабарлайды Экспресс К.
Бейнежазбаны TikTok-тың @kenzhe3 деген қолданушысы жариялады. Онда 3 жасар бүлдіршін ыдысқа салынған қой басын көріп, оны динозаврға теңейді. Сонымен қатар балақай қойдың басынан қорқатынын айтады. Ал анасы оның бұл әрекетіне әбден күледі.
Видеоны көрген желідегілер де бүлдіршіннің қылығы сондай тәтті екенін айтып, әбден күліп алды.
«Қойдың басын көрмеген бала ғой», «Қандай тәп-тәтті», «Балаға қойдың басы екенін түсіндіріп беріңізші», «Балапан қатырды», «Динозавр жеп жүрген әкелеріміз мықты екен», «Әбден күліп алдым-ау», «Менің балаларым қаздан қорқады», «Динозаврдың не екенін біледі» деп жазды желі қолданушылары.
Пікір қалдырғандар арасында «Жағын айырып, тісін қақпай ма?» деп бүлдіршіннің анасын сынағандар да болды. Автордың жазуынша, қойдың басы әлі асылмаған.
Экспресс К бұған дейін кешкі астың қамына кірісіп, қамыр илеген бүлдіршін туралы жазды.
https://exk.kz/kk/news/120036/koidyn-basyn-dinozavr-dieghien-buldirshin-zhielini-zhardy-vidieo
