Тараз қаласындағы «Гамбит» шахмат клубында тоғызқұмалақтан ерлер мен әйелдер арасында командалық облыстық чемпионат өтті. Аламанға Тараз қаласы мен аудандардан 9 команда қатысып, жүлделер жиынтығын сарапқа салды.
Ойшылдар ойынында командалық ауызбіршілікпен қоса, спортшылардың жекелей шеберліктері де сыналды. Нәтижесінде ерлер арасында Тараз қаласының командасы алдына қара салмаса, екінші орын Меркі, үшінші орын Сарысу ауданына бұйырды.
Әйелдер сынында болса, Т.Рысқұлов ауданының арулары топ жарып, Меркі ауданы тағы екінші орынды еншіледі. Үздік үштікті Қордай ауданының командасы түйіндеді.
Жарыс соңында барлық жүлдегерлер диплом және бағалы сыйлықтармен марапатталды.
С. ТІЛЕУЖАН
