Аудан әкімдігінің мәжіліс залында аудан әкімінің орынбасары Ерлан Ермағанбетовтың төрағалығымен Сарысу ауданы әкімдігі жанындағы ономастика жөніндегі жұмысшы топ отырысы өтті. Жиынға Сарысу ауданы әкімдігі жанындағы ономастика жөніндегі жұмысшы топтың мүшелері, Жаңатас қаласы және ауылдық округ әкімдер қатысты.
Күн тәртібіндегі алғашқы мәселе бойынша «Аудандағы «Ономастикалық ахуал» туралы» Сарысу ауданы әкімдігінің мәдениет және тілдерді дамыту бөлімінің басшысы Салтанат Жақсыпейілова баяндама жасады.Күн тәртібіндегі екінші мәселе бойынша «Жаңатас қаласындағы «Ономастикалық ахуал» туралы» Жаңатас қаласы әкімінің орынбасары Мұхаммедқали Бегеевтің есебі тыңдалды.Күн тәртібіндегі үшінші мәселе бойынша «Байқадам ауылдық округіндегі «Ономастикалық ахуал» туралы» Байқадам ауылдық округінің әкімінің орынбасары Жамбыл Құлыбеков баяндады.Күн тәртібіндегі төртінші мәселе бойынша «Игілік ауылдық округіндегі «Ономастикалық ахуал» туралы» Игілік ауылдық округі әкімінің міндетін атқарушы Үсен Жұматаев атқарылған жұмыстарға тоқталды.Күн тәртібіндегі бесінші мәселе бойынша «Жаңаталап ауылдық округіндегі «Ономастикалық ахуал» туралы» Жаңаталап ауылдық округінің әкімі Нұрхан Ақмағанбетов есеп берді.Барлық мәселелерді қараған Ерлан Дайрабайұлы Жаңатас, Саудакент, Жаңаталап және Игілік ауылдық округтерінде жасалған зерделеудің қорытындысы бойынша анықталған кемшіліктерді қалыпқа келтіру бойынша ауыл әкімдеріне тиісті тапсырмалар жүктеді.
