Мамандандырылған ауданаралық сотында әйелін қатігездікпен өлтірген тұрғын үй-коммуналдық қызметінің бұрынғы қызметкері Бауыржан Хайруллинге үкім шығарылды. Ол Айнагүл Хайруллинаның өліміне кінәлі деп табылып, 15 жылға бас бостандығынан айырылды, деп хабарлайды Stan.kz ақпарат агенттігі Мой Город басылымына сілтеме жасап.
Бауыржан Хайруллин Қылмыстық кодекстің 99-бабы «Адам өлтіру» бойынша айыпталған. Сонымен қатар марқұмның анасына 15 миллион теңге моральдық өтемақы төлеуі қажет.
Айнагүл Хайруллинаның анасы Алматыда болғандықтан, сотқа онлайн режимде қатысты.
«Тым болмағанда 20-25 жыл тағайындау керек еді. Ол қызымды асқан қатігездікпен өлтірді ғой. Жаны қиналды, ал сіздер тек 15 жыл бердіңіздер. Мұнымен келіспеймін. Артынан қалған екі баласы аналарын сағынып, үнемі жылайды», — деді Какима Қажыпанова.
Ал айыпталушының қорғаушысы шешіммен келіспейтіндерін және шағым түсіретінін мәлімдеді. Марқұмның әпкесі де қатаң жаза тағайындалуы керегін айтты.
«Біз моральдық өтемақы төлеу жайлы талап қоймаған едік. Бізге өтемақы төленген жағдайда мерзімінен бұрын босап шығуы мүмкін екенін ескерткен. Анам айтқандай, ақша қайырымдылыққа жұмсалады», — деді Арайлым Дүйсенова.
Сот айыпталушыны суретке түсіруге тыйым салған.
19 сәуірде Урдинская көшесінде сұмдық оқиға орын алған еді. Ер адам Айнагүл Хайруллинаны 18 жерден пышақтап тастаған. Әйелді ауруханаға жеткізгенімен, көп уақыт өтпей жан тапсырды. Қылмысқа қатысы бар деген күдікпен полицейлер марқұмның бұрынғы күйеуін тұтқындаған еді. Ал тұрғын үй-коммуналдық қызметінде Бауыржан Хайруллиннің оқиға алдында бірнеше күн бұрын жұмыстан кеткенін мәлімдеген. Ал куәгерлердің сөзінше, 19 сәуірде күдікті шұңқыр жөндеу барысын тексеріп жүргенін.
Сот 16 қарашада басталған. Өткен сот отырыстарында марқұмның анасы мен күдіктінің туысы Әділбек Хайруллиннен жауап алынған. Әділбек жиенін қылмыс жасауға дейін жеткізген деген. Ал сот-психиатриялық сараптамасы екі түрлі нәтиже шығарған. Бірінші сараптама қорытындысы қылмыс аффекті жағдайдада жасалды десе, екінші сараптама аффектті жағдайдың болмағанын көрсеткен.
Прокурор айыпталушыға 15 жыл бас бостандығынан ауыру және моральдық өтемақы төлеу жазасын тағайындауды талап еткен. Бұған дейін Бауыржан Хайруллин марқұмның жақындарынан кешірім сұраған еді.
