ov.kz
https://turkystan.kz/article/265865-oralda-sport-ardagerleri-men-uzdik-mamandar-marapattaldy
17 тамыз күні Оралда Спорт күніне арналған салтанатты мерекелік іс-шара ұйымдастырылды. Бұл күні өңір спортының дамуына сүбелі үлес қосқан ардагерлер мен үздік мамандардың еңбегі лайықты бағаланды. Салтанатты жиынға Батыс Қазақстан облысы әкімінің орынбасары Қайыржан Меңдіғалиев қатысып, сала үздіктерін құттықтап, марапаттар табыстады, деп хабарлайды turkystan.kz.
Қазақстан Республикасының спорт саласындағы мемлекеттік марапаттарының бірі – «Құрметті спорт қызметкері» төсбелгісімен бірқатар азаматтар марапатталды. Атап айтқанда, спорт ардагерлері Қазболат Құрмашев пен Александр Любимкин, сондай-ақ облыстық жоғары спорттық шеберлік мектебі директорының оқу ісі жөніндегі орынбасары Татьяна Копылова осы құрметке ие болды.
Сондай-ақ, аудандық спорт бөлімдерінде еңбек етіп жүрген жаттықтырушылар, әдіскерлер мен сала мамандары Батыс Қазақстан облысы әкімінің және облыстық дене шынықтыру және спорт басқармасы басшысының Алғыс хаттарымен марапатталды.
Бүгінгі таңда облыс халқының 41,2 пайызы немесе шамамен 286 мың тұрғын дене шынықтыру және спортпен тұрақты түрде айналысады. Бұл көрсеткіш – салауатты өмір салтына деген ынтаның артып келе жатқанын көрсетеді. Әсіресе, балалар мен жасөспірімдер арасында спортқа қызығушылықтың жоғары болуы – болашаққа деген үлкен үміттің белгісі.
Батыс Қазақстан облысы – халықаралық деңгейде ел намысын абыроймен қорғап жүрген спортшыларды тәрбиелеп отырған өңір. Бүгінге дейін 11 әлем чемпионы облыс спорт мектептерінің түлегі атанып отыр. Жалпы, облыс спортшыларының еншісінде 722 медаль бар. Қазіргі таңда өңірде басымды спорт түрлерімен шұғылданатын 9 467 спортшы тіркелген, бұл жалпы спортшылардың 66 пайызын құрайды. Ал кешенді халықаралық жарыстар – Азия ойындары мен Олимпиадада өнер көрсеткен спортшылар үлесі 12 пайызға жетті.
Облыс көлемінде спорт саласындағы айрықша еңбегі үшін бірқатар маман Батыс Қазақстан облысы әкімінің «Үздік спорт қызметкері» төсбелгісімен марапатталды. Олардың қатарында:
Төлегенов Ержан Изжанович – спорт ардагері
Жанатаров Сайлау Хамидуллинович – спорт ардагері
Назарова Сарвар Ризоевна – үстел теннисінен аға жаттықтырушы
Клемец Андрей Валерьевич – бадминтоннан аға жаттықтырушы
Бапахова Ләззат Маратовна – жауынгерлік өнер қауымдастығының облыстық балалар-жасөспірімдер спорт мектебінің оқу ісі жөніндегі орынбасары
Шкирман Владимир Владимирович – пауэрлифтингтен аға жаттықтырушы
Акнажимов Алибек Бекетович – мүмкіндігі шектеулі адамдарға арналған спорт клубының оқу ісі жөніндегі орынбасары
Бровкова Елена Евгеньевна – байдарка мен каноэ есуден жоғары санатты жаттықтырушы
Супыгалиев Алтынбек Силыбаевич – дзюдо күресінен жоғары санатты жаттықтырушы
Капышев Аман Салыхович – пауэрлифтингтен аға жаттықтырушы
Ануарова Бибигүл Айғалиевна – жекпе-жек спорт түрлерінен олимпиадалық резервтегі мамандандырылған балалар мен жасөспірімдер спорт мектебінің оқу ісі жөніндегі орынбасары
Мерғалиев Ринат Серікович – каратеден аға жаттықтырушы
Мерекелік шара от шашумен аяқталып, қатысушыларға ерекше көңіл-күй сыйлады. Бұл күн – спортқа деген құрмет пен ұлт саулығына деген жауапкершіліктің жарқын көрінісіне айналды.
Толық нұсқасына гиперсілтеме беруді ұмытпаңыз: https://turkystan.kz/article/265865-oralda-sport-ardagerleri-men-uzdik-mamandar-marapattaldy
