Қостанай облыстық психикалық денсаулық орталығынан екі науқас қашып кетті. Олар әлеуметтік желілер мен қорқынышты хаттар арқылы үрей тудырған. Науқастарды табуға бір күннен астам уақыт кетті. Ақпаратты Қостанай облысының полиция департаментінің баспасөз қызметі растады, деп хабарлайды Stan.kz ақпарат агенттігі.
16 шілде күні кешке Қостанай облысы тұрғындарының әлеуметтік желілері мен мессенджерлеріне Тобыл қаласындағы психиатриялық ауруханадан шизофрениямен ауыратын екі науқастың қашып кеткені туралы хабарлама тарай бастады. Сонымен бірге олардың «өте қауіпті» екені хабарланып, көлік жүргізушілеріне кездейсоқ жолаушыларды алмау туралы ескертілді.
Полиция департаменті жағдайға түсініктеме берді.
«Кеше сағат 8-дер шамасында полицияның кезекші бөліміне Қостанай облыстық психикалық денсаулық орталығынан екі науқастың рұқсатсыз шығып кеткені туралы хабарлама келіп түсті.
Осы факті бойынша барлық полиция жасақтары бағдарланған. Жедел іздестіру шараларының нәтижесінде бүгін сағат 09.00-де Қостанай облысының Жамбыл ауылында науқастар табылды. Осы уақыт бойы олар өзен жағасында болған», — деді ведомстводан.
Полиция қашып кеткен науқастардың зиянсыз екенін және қауіп төндірмейтінін атап өтті.
«Облыс тұрғындарының WhatsApp желісінде таратқан ауыр қылмыс жасады деген ақпараты сенімсіз», – деді полицейлер.
https://stan.kz/kostanay-oblisinda-zhindihananin-eki-naukasi-kaship-ket-367527/
