Тараз қаласындағы Жамбыл даңғылының бойында орналасқан көпірді жөндеу жұмыстары жүргізілуде. Көпірдің уақытша жабылуы бойынша тұрғындар тарапынан түсіп жатқан сұрақтарға байланысты «AMANAT» партиясының Жамбыл облыстық және Тараз қалалық филиалдарының өкілдері мен партия филиалдары жанындағы Партиялық бақылау комиссиясының және Мемлекеттік басқаруды дамыту және Сыбайлас жемқорлыққа қарсы іс-қимыл жөніндегі қоғамдық кеңес мүшелері көпірге жүргізіліп жатқан жөндеу жұмыстарымен танысты.
Ағымдағы жылдың 28 маусымында басталған ағымдағы жөндеу жұмыстарын «Строймонтаж GROUP» жауапкершілігі шектеулі серіктестігі жүргізуде. Жөндеу жұмыстарына 45 жұмысшы тартылған. Аталған жұмысшылар үш ауысым бойынша жұмыс атқаруда.
Жөндеу жұмыстарымен танысу барысында мердігер компания басшылығы жөндеу жұмыстарының халыққа қолайлы жағдай жасау мақсатында жүргізіліп жатқандығын және жұмыстарды келісім-шартта көрсетілген мерзімнен ерте аяқтап, пайдалануға беруді жоспарлап отырғандығын жеткізді.
Партия мүшелері тарапынан жұмыстардың сапалы атқарылуы және тиісті мерзімде пайдалануға берілуі қоғамдық кеңес мүшелерінің назарында болып, алдағы уақытта да жөндеу жұмыстарына қоғамдық бақылау жүргізу жалғаса беретіндігі айтылды.