Павлодарда жалған шот-фактура шығарғандар мемлекетке 6,5 миллиард теңге шығын келтірді

Қаржылық мониторинг агенттігінің Павлодар облысы бойынша департаментінің қызметкерлері шот-фактураларды заңсыз жазып беру фактілерінің жолын кесті, деп хабарлайды Stan.kz ақпарат агенттігі.

Тергеу барысында азаматтар В.Р. Легин мен С. А. Рыжаков жалған тұлғаларға ресімделген 13 компания құрғаны анықталды. Кейін материалдық пайда табу мақсатында 2019 жылдан бастап 2021 жылға дейінгі кезеңде осы компаниялардың атынан бірқатар заңды тұлғаларға жалпы сомасы 6,5 млрд теңгеге жалған шот-фактуралар жазып берді.

«В.Р. Легин мен С.А. Рыжаковтың қылмыстық әрекеттерінің нәтижесінде мемлекетке төленбеген салықтар түрінде 2 млрд теңгеден астам сомаға залал келтірілді», – делінген хабарламада.

Сот шешімімен Легин Вильгельм Робертович пен Рыжаков Сергей Александровичті 2 жыл 9 айға бас бостандығынан айырды. Ал Легиннен 13 млн теңгеден астам ақша тәркілеу туралы үкім шығарды.

https://stan.kz/pavlodarda-zhalgan-shot-faktura-shigargandar-memleketke-366964/