Павлодарлық өрт сөндірушілер өртеніп жатқан көпқабатты үйдегі пәтерден кішкентай баланы алып шықты, деп хабарлады Stan.kz ақпарат агенттігі.
Бұл туралы Павлодар облысы Төтенше жағдайлар департаментінің баспасөз қызметі мәлімдеді.
16 маусымда сағат 16.04-те Павлодар облысы Төтенше жағдайлар департаментінің «101» пультіне Павлодар қаласындағы Ж.Мұсы көшесі, 1 үй бойында өрт шыққаны туралы хабарлама келіп түсті. Бір бөлмелі пәтердегі он қабатты үйдің сегізінші қабатында балконның ағаш конструкциялары мен тұрмыстық заттар жанып, өрт 9-қабаттың терезесі мен балконына жайылған.
Ал оныншы қабатта бір бөлмелі пәтерде пластикалық балкон жақтауы жоғары температура әсерінен еріп кеткен.
Мұнда өрт сөндірушілер алдыңғы темір есікті ашып, төсек үстінде ес-түссіз жатқан 2015 жылы туған баланы тапты. No3 өрт сөндіру бекетінің аға өрт сөндірушісі-құтқарушысы Дастан Сүлейменов баланың үстіне «Фенист» құтқару құралын кигізіп, оны қолтықтап көшеге алып шықты. Ол баланы «103» қызметіне тапсырған. Зардап шегуші облыстық балалар ауруханасына жатқызылды.
8-9-қабаттың өрт сөндірушілері үш бала мен бір ересек адамды құтқарды. Өрт сөндірушілердің сүйемелдеуімен 25 адам эвакуацияланды, оның ішінде 10 бала. Сағат 16.38-де өрт сөндірілді.
Диас Шаухаров
