2025 жылдың 17 қараша күні Жамбыл облысы әкімдігі білім басқармасы мен облыстық оқу-әдістемелік орталығының ұйымдастыруымен «AMANAT» партиясы мен ҚР Оқу-ағарту министрлігі, «Ustazga AI» педагогтерге жасанды интеллектті оқу процесіне тиімді енгізу жобасын насихаттау барысында Тараз қаласы Шерхан Мұртаза атындағы мектеп-гимназиясының базасында, сондай-ақ онлайн форматта оқыту семинарлары өтті.
Іс-шараға білім басқармасының, облыстық оқу-әдістемелік орталығының қызметкерлері, аудандар мен Тараз қаласының әдістемелік кабинет меңгерушілері, білім беру ұйымдарының басшылары мен директорлардың орынбасарлары, мектеп педагогтері, мектепке дейінгі білім беру ұйымдарының меңгерушілері мен әдіскерлері, техникалық және кәсіптік оқыту мекемелерінің басшылары мен оқытушылары, барлығы 1067 адам қатысты.
Іс-шара барысында Қазақстан Республикасы Парламенті Мәжілісінің және «AMANAT» партиясының Төрағасы Е. Ж. Қошанов ағымдағы жылғы «Mұғалім Talks» кейс-платформасында мұғалімдерге арналған Daryn.ai платформасының іске қосылатыны, мұғалімдерді жасанды интеллект технологияларын тиімді және жауапты қолдануға үйрету, олардың жұмыс жүктемесін азайтып, оқыту сапасын арттыру, бағдарлама цифрландыру және білім берудегі тең мүмкіндіктерді қамтамасыз ету бағыты, аталған жобаның өткізілу кезеңдері, барлық қазақстандық мұғалімдерге арналған «Жасанды интеллект педагогтың көмекшісі ретінде» атты тегін онлайн курс Daryn.ai платформасында іске қосылатындығы, курсты оқыған педагогтер ЖИ бойынша іріктеліп, Хакатон жобасына қатысатыны туралы қатысушыларға түсіндіру жұмыстары жүргізілді.
Сонымен қатар, педагогтер аталған курстың нәтижесі бойынша білім беру саласында ЖИ технологияларын енгізудің үздік халықаралық тәжірибесін зерделеп, оны қазақстандық мектептерге бейімдеу бағытында Хакатон жеңімпаздары 2026 жылдың маусым айында Оңтүстік Кореяда өтетін 7 күндік тағылымдамаға қатуға мүмкіндік алатыны туралы қатысушыларға тиімді ақпараттық-әдістемелік ұсыныстар берілді.
