istockphoto
Петропавлда қызды аңдыған 20 жастағы жігіт ұсталды: 11 сәуір 2026, жаңалықтар Turkystan.kz
Петропавлда қызды велосипедпен аңдыған ер адам ұсталды, деп хабарлайды облыстық полиция департаменті.
Белгісіз жас жігіт қаладағы Қазақстан Конституциясы көшесінде қызды аңдып, үрейін ұшырған.
«Тексеру барысында криминалдық полиция қызметкерлері оның кім екенін және орналасқан жерін анықтады. Ол Қызылжар ауданының 20 жастағы тұрғыны болып шықты. Ол кешкі уақытта орталық жаяу жүргіншілер көшесінде велосипедпен жүріп, бір қызға қатысты заңға қайшы әрекет жасаған. Оның тыныштығын бұзып, қорқыныш тудырған», — дейді полиция.
Жас жігітпен полицейлер профилактикалық әңгіме жүргізген. Айналадағы адамдарға құрметсіздік білдіріп, қоғамдық тәртіпті бұзғаны үшін әкімшілік хаттама толтырды.
Петропавл қаласының мамандандырылған әкімшілік құқық бұзушылықтар жөніндегі сотының 6 сәуірдегі шешімімен оған әкімшілік айыппұл салынды.
Толық нұсқасына гиперсілтеме беруді ұмытпаңыз: https://turkystan.kz/article/279596-petropavlda-qyzdy-andygan-20-zastagy-zigit-ustaldy
