Мемлекет басшысы Қасым-Жомарт Тоқаев төл өнерімізді дәріптеу арқылы асыл құндылықтарымызды ұлықтай түсетінімізді атап өтті.
— Шын мәнінде, қазақтың қара домбырасы – ұлтымыздың бойтұмары. Оның үні әрқайсымыздың жүрегімізге жақын. Өйткені, қазақ пен домбыра – бір-бірінен бөліп қарауға болмайтын егіз ұғым. Академик Ахмет Жұбанов «Домбыра – көшпелі елдің көнекөз шежіресі» деп бекер айтпаған. Қастерлі аспаптың қос ішегіне халқымыздың бүкіл болмысы сыйып тұр, — деді Президент.
