Бүгін Қасым-Жомарт Тоқаев Қазақстан халқына жариялаған үндеуінде Президент сайлауының қашан болатынын мәлімдеді.
«Бүгін елімізге және әрқайсымызға қатысты аса маңызды Үндеу жариялап отырмын. Еліміздің Конституциясына сәйкес Қазақстан Республикасы Президентінің кезектен тыс сайлауын 2019 жылдың 9 маусымында өткізу туралы шешім қабылдадым», деді Мемлекет басшысы.
Естеріңізге сала кетейік, 20 наурыз Парламенттің бірлескен отырысында Қасым-Жомарт Тоқаев ант беріп, Қазақстан Президенті қызметіне ресми кіріскен еді.
