Бүгін Мемлекет басшысы Қасым-Жомарт Тоқаевтың «QAZAQSTAN» ұлттық телеарнасына берген сұхбатын отбасымызбен отырып үзбей көрдік.
Ең әуелі тілшінің тіл тақырыбына акцент қойғаны қатты ұнады. Ал, Президент өз кезегінде ана тіліміздің қоғамдағы алар орнын айшықтауға қатысты бірқатар пікірін ортаға салды.
«Менен бұған дейін көптеген телеарна бірнеше рет сұхбат беруді сұраған болатын. Мен олардың ешқайсысына келіскен жоқпын. Кейін тек «Хабар» арнасына ғана сұхбат беремін деп шештім. Себебі ел ішінде көптеген жалған ақпарат тарап жатты, соларға тоқтау салу керек болды. Сол сұхбат орыс тілінде жасалды. Өйткені, Қазақстандағы ахуал жөнінде шынайы ақпаратты, ең алдымен, әлем жұртшылығына беру керек еді. Содан кейін шетелдік ақпарат құралдары сұхбатты кеңінен таратып, барынша пайдаланды. Оны өзіңіз білесіз. Қалай десек те, орыс тілі – Біріккен Ұлттар Ұйымының алты ресми тілінің бірі. Оны мойындауымыз керек, — деп атап өтті Қасым-Жомарт Кемелұлы.
Сонымен қатар, талай қазақтың ас үйінде талқысынан түспейтін тақырыптар сұхбат барысында көрініс тапқанына қуандым. «Еститін Үкімет» қалыптасып келеді.
АЙТБАЛА ЖОЛМАХАНОВА,
САРЫСУ АУДАНДЫҚ ОРТАЛЫҚТАНДЫРЫЛҒАН КІТАПХАНАЛАР ЖҮЙЕСІНІҢ ДИРЕКТОРЫ
