Түркіменстан президенті Гурбангулы Бердімұхамедов елдегі «халық маслахатында» (парламенттің жоғарғы палатасы) басшы қызметін артқа тастап, қызметінен кететінін мәлімдеді, деп хабарлайды «Адырна» ұлттық порталы.
«Еліміздің дамуының жаңа кезеңінде мемлекеттік басқаруға жол рухани ортада және заман талабына сай тәрбиеленген жас көшбасшыларға берілуі керек деген пікірді қолдаймын. Халық Маслахатында, мен өзімнің үлкен өмірлік және саяси тәжірибемді осы аймаққа одан әрі бағыттауға ниеттемін», — деді Бердімұхамедов жұма күні «Халық Маслахатында».
Түркіменстан басшысы екі жыл бұрын пайғамбар жасына жеткенін және бүгін өзі туралы күрделі шешімді талқылағысы келетінін баса айтты.
«Өздеріңіз білесіздер, осыдан 15 жыл бұрын, яғни 2007 жылдың 11 ақпанында біздің елде Түркіменстанда президенттік сайлау өтті. Содан кейін туған халқым мені жоғары мемлекеттік лауазымға сайлады, сол арқылы үлкен сенім көрсетті», — деді Бердімұхамедов.
Оның айтуынша, ол бұл сенімді 2012 және 2017 жылғы жалпыхалықтық сайлауда сезінген. «Қазір 15 жыл бойы мен Түркіменстан президентінің ең жоғары және өте жауапты қызметінде жұмыс істеп келемін. Сонымен бірге мен Министрлер кабинетінің төрағасы, Мемлекеттік қауіпсіздік кеңесінің төрағасы, Қарулы күштердің Жоғарғы қолбасшысы және Халық маслахаты төрағасы Милли Генгеш міндеттерін атқарып жатырмын», — деді мемлекет басшысы.
Хабарланғандай, қазіргі уақытта Түрікменстан үкіметіндегі вице-премьер қызметін 2021 жылдың шілдесінен бері қаржы-экономикалық кешенге жетекшілік етіп келген президенттің ұлы Сердар Бердімұхамедов атқарып отыр.
Бұған дейін Сердар Бердімұхамедов Премьер-министрдің орынбасары, Жоғарғы бақылау палатасының төрағасы болып тағайындалып, 2021 жылдың 11 ақпанында Мемлекеттік қауіпсіздік кеңесіне таныстырылды. Бұл қызметте ол мемлекеттік басқару жүйесінде, қаржы-экономикалық және әлеуметтік секторда цифрландыру мен инновациялық технологияларды енгізуге де жауапты болды.
2020 жылдың 7 ақпаны мен 2021 жылдың 11 ақпаны аралығында Сердар Бердімұхамедов Индустрия және құрылыс өндірісі министрі қызметін атқарды.
2019 жылдың 17 маусымынан бастап президенттің ұлы Түркіменстанның орталық аймағы – Ахал велаяты (облысы) басшысы.
«Адырна» ұлттық порталы
