ТАРАЗ. ҚазАқпарат — ҚР Президенті Қасым-Жомарт Тоқаевтың Мәжілістің жалпы отырысындағы тапсырмаларын орындау бойынша Жамбыл облысының әкімі Бердібек Сапарбаев шұғыл жиын өткізіп, жауаптыларға нақты тапсырмалар жүктеді, деп хабарлайды Шаңырақ инфо ҚазАқпаратқа сүйеніп…
«Біздің қазіргі ең басты міндетіміз – халықтың қауіпсіздігін қамтамасыз ету, ол құқық қорғау органдары бірлесіп жедел, нәтижелі жұмыс жүргізуі тиіс. Араңдатушылар мен ұйымдастырушылардың бәрін тауып, жазалау керек!
Мемлекет басшысының тапсырмасына сәйкес азық-түлік, әсіресе, әлеуметтік маңызы бар тауарлардың, сұйытылған газ, жанар-жағар май, тарифтердің бағасын күнделікті қадағалап отырыңыздар.
Жарияланған мораторий сақталу қажет. Қандай да бір бұзушылықтар болса, оған қатаң шаралар қолданылады. Қоғамдық тәртіп, діни, ұлтаралық мәселелер – басты назарда болуы тиіс», — деді Б. Сапарбаев. \
Аймақ басшысы облыстың экономикасын көтерудегі негізгі салалардағы жұмыстарды күшейтуге ерекше назар аударды. Құрылыстағы біртиптік жобалар үлгісін тиімді пайдаланып, бюджет қаражатын үнемдеуге көңіл бөлудің маңыздылығын жеткізді.
https://www.inform.kz/kz/prezidenttin-sozi-halykka-senim-zhiger-syylady-berdibek-saparbaev_a3884220
