Промоушендегі алғашқы қазақ: Қазақстандық файтер келесі жылы Америкада жекпе-жек өткізеді

Қазақстандық Алмат Жұманов америкалық промоушенмен келісімшартқа отырды. Ел ішінде «Қазақ титаны» деген лақапатпен танылған ол келер жылы Америкада 4 жекпе-жек өткізеді, деп хабарлайды Stan.kz ақпарат агенттігі Astana арнасына сілтеме жасап.

25 жастағы қазақстандық «Иран халкы» Саяд Гарибиді жеңген соң әлем назарын өзіне аудартты. Отандасымыз қарсыласын нокаутпен жеңген. Виза алған соң ол Америкаға баруды жоспарлап отыр. Ал келісімшарт 1 жылға арналған. Қазір «титан» келешек жекпе-жектеріне дайындықты бастап кеткен.

«Бұл жекпе-жектерде промоушенмен келісімшарт жасасқан алғашқы қазақ боламын. Маған артылған үмітті ақтауға уәде беремін, туымызды көтеріп, чемпион атанамын», – деді Алмат Жұманов.

Бұған дейін Алмат Жұманов 109 тонналық пойызды сүйреген. Сонымен қатар 300 келілік түйені көтеріп, бір-біріне тіркескен 3 жүк көлігін сүйреді. Бұдан бөлек АН-72 ұшағын орнынан қозғалтып, Гиннестің рекордтар кітабына енген.

https://stan.kz/promoushendegi-algashki-kazak-kazakstandik-fayter-keles-375361/