Ресей президенті Владимир Путин Херсон және Запорожье облыстары мен Луганск және Донецкте әскери жағдайды енгізу туралы жарлыққа қол қойды, деп хабарлайды Stan.kz ақпарат агенттігі.
Президент Владимир Путин қауіпсіздік кеңесінің отырысында төрт аймақта әскери жағдай енгізетінін мәлімдеді.
Ресей басшысы бұл аумақтарда әскери жағдай режимі Ресей құрамына кіргенге дейін болғанын айтты.
«Қазір бұл режимді Ресей заңнамасы аясында рәсімдейміз. Сондықтан Ресей Федерациясының осы төрт субъектісінде әскери жағдайды енгізу туралы жарлыққа қол қойылды», — деді Путин.
Әскери жағдай қандай мерзімге енгізілгені белгісіз. Путиннің айтуынша, ол Украинаның “террористік қатерлеріне» байланысты.
Жарлық Федерация кеңесіне бекітуге жіберілді.
Украина басшысы Ресей президентінің бұл мәлімдемесіне жауап берген жоқ.
https://stan.kz/putin-doneck-lugansk-zhane-eki-oblista-askeri-zhagday-z-372162/
