Ресейліктер арасында қазақстандық көліктерге сұраныс неге артты? — Мамандар түсіндірді

Ресейде қазақстандық автокөліктердің неге сұранысқа ие болғанын сарапшылар мен сатып алушылар түсіндірді, деп хабарлайды Stan.kz ақпарат агенттігі Astana TV арнасына сілтеме жасап.

Қазақстаннан Тюменьге көліктерді әкету саны 60 есеге жуық өсті. Сарапшылар оны шетелдік автокөлік өндірушілердің Ресейден кетуімен байланыстырады.

Ресейліктердің айтуынша, Қазақстандағы көліктердің бағасы Ресейден салыстырмалы түрде арзан.

Егер белгілі бір көлік Ресейде 3,5 миллион рубль болса, Қазақстанда дәл соны 2,5 миллионға сатып алуға болады, яғни миллионды үнемдейсіз, – деді Ресей Федерациясының тұрғыны Вячеслав.

Автодилер Қанат Байжанбаевтың айтуынша, сұраныстың кенет артуына Ресейге қатысты батыстық санкциялар әсер етті. Маман көрші елдің азаматтары тек жаңа көлік, соның ішінде кореялық көліктерге ден қоятынын айтты.

“Оларда брендтік көліктер, айталық, Лексус, Тойота, БМВ қазір ол жерде өндірілмейді. Сондықтан көрші елден алып келеді. Шекаралас болғасын бізге келеді”, – деді Байжанбаев.

Шартты түрде Қазақстаннан 100 мың автокөлік сатылды. Олардың тек 600-і ғана бір аймаққа кетті.

Мамандардың пікірінше, бұл отандық өндірісті ұлғайтуға және одан ақша табуға тамаша мүмкіндік.

https://stan.kz/reseylikter-arasinda-kazakstandik-kolikterge-syranis-ne-375944/