gov.kz
https://turkystan.kz/article/270087-rimde-abai-qunanbaiulynyn-biusti-asyldy
Римдегі Вилла Грациоли саябағында (Parco di Villa Grazioli) қазақ халқының ұлы ақыны әрі ойшылы Абай Құнанбайұлы бюстінің салтанатты ашылуы өтті. Іс-шараға ҚР Мәдениет және ақпарат министрі Аида Балаева, Қазақстан Республикасының Италия Республикасындағы Төтенше және Өкілетті Елшісі Ерболат Сембаев, италиялық зиялы қауым өкілдері мен Қазақстанның ресми делегациясы мүшелері қатысты, деп хабарлайды turkystan.kz.
Министр салтанатты іс-шарада сөйлеген сөзінде Абай Құнанбайұлы – қазақ халқының рухани кемелденуіне бағдар болған, адамзаттың асыл мұраттарын насихаттаған ұлы тұлға екенін атап өтті. Оның шығармаларындағы басты идея – адамгершілік, әділдік, білім мен еңбек арқылы ізгілікке үндеу. Сондықтан да Абай бейнесінің дәл Рим қаласында бой көтеруі – мәдениеттер мен өркениеттер арасындағы рухани көпірдің белгісі болары анық.
«Кейінгі жылдары мемлекеттеріміз арасындағы қарым-қатынас ерекше серпін алды. Өткен жылы Қазақстан Республикасының Президентінің Италияға ресми сапары мен Италия Министрлер кеңесінің төрайымы Қазақстанға жасаған ресми сапары ынтымақтастықты жаңа деңгейге көтерді.
Ал қыркүйек айында Италия Президенті Қазақстанға келіп, жаңа байланыстарға жол ашып, бірқатар маңызды келіссөздер жасалды. Бүгінгі Абай ескерткішінің ашылуы – сол келісімдердің көрінісі, екі халық арасындағы достық пен өзара құрметтің белгісі деп білемін», – деді Аида Балаева.
Айта кетсек, қазақтың ұлы ақыны Абайдың есімі шетелде зор құрметке ие. Ақынға арналған ескерткіштер, бюстер мен монументтер әлемнің көптеген ірі қалалары мен астаналарында орнатылған. Олардың қатарында, Ташкент, Мәскеу, Қазан, Бішкек, Бейжің, Каир, Будапешт, Тегеран, Анкара, Ыстамбұл, Нью-Дели, Женева, Париж, Ренн, Сараево, Тбилиси, Берлин, Сеул, Харьков, Баку және Рио-де-Жанейро қалалары бар.
Аида Балаева мен Ерболат Сембаев Шыңғыс Айтматов ескерткішіне гүл шоқтарын қойды.
Тэгтер:
Абай Құнанбайұлының бюсті Рим қаласы Италия астанасы
БӨЛІСУ:
Серіктес жаңалықтары
Ұқсас мақалалар
«Мемлекеттік марапатты алғаныма өзім таңғалып жүрмін» – Медеу Арынбаев
14 қараша, 2025
Бүгін «Қыз Жібек» көркем фильмінің түсірілгеніне – 55 жыл
13 қараша, 2025
“Алматы әуендері” мен “Ұлытау” тобы Эстония жұртшылығын таңдай қақтырды
4 қараша, 2025
«AMANAT» партиясы Қытайдан Қазақстанға атпен жеткен ерлі-зайыптыға құрмет көрсетті
31 қазан, 2025
«Сіздердің жетістіктеріңіз – еліміздің абыройы мен беделі»: Аида Балаева 18 өнерпазды марапаттады
23 қазан, 2025
«Қазақ мәдениетіне күллі әлем қызығады»: Димаш Құдайбергеннің әйгілі сән журналына берген сұхбаты жарияланды
15 қазан, 2025
Көп оқылған
Бүгін, 14:49
Қазақстандық дзюдошылар Сурдлимпиада ойындарының алғашқы күнінде екі алтын және екі қола медаль жеңіп алды
Бүгін, 14:19
Орталық Азия мемлекеттері басшыларының VII Консультативтік кездесуі: қандай құжаттарға қол қойылғаны жарияланды
Толық нұсқасына гиперсілтеме беруді ұмытпаңыз: https://turkystan.kz/article/270087-rimde-abai-qunanbaiulynyn-biusti-asyldy
