Рудныйда 15 жастағы қыз суға батып кетті. Қайғылы оқиға жексенбі, 29 мамырда болған, деп хабарлайды Stan.kz ақпарат агенттігі.
Бұл туралы Қостанай облысының төтенше жағдайлар департаменті хабарлады.
«Сағат 19:15-те Тобыл өзеніндегі Парковая көшесінің әкімшілік аумағында 2007 жылы туған жасөспірімнің денесі табылды. Төтенше жағдайлар департаментінің жедел-құтқару жасағының күшімен судан шығарылды», — деп хабарлады ведомствоның баспасөз қызметі.
Полицияның мәліметінше, қыз тыйым салынған жерде суға түсіп, шамамен 17:15-те батып кеткен.
«Ол достарымен бірге болған. Судың осы учаскесінде шомылуға тыйым салынғаны туралы белгі орнатылған», — деп нақтылады департамент мамандары.
https://stan.kz/rudniyda-15-zhastagi-kiz-suga-batip-ketti-365260/
